Лідэры АДС едуць у Брусель

Беларускія палітыкі, прадстаўнікі Аб'яднаных дэмакратычных сіл Беларусі, возьмуць удзел у працы міжнароднай канферэнцыі “Будучыня. 50 гадоў разам”, якая пройдзе 4-5 чэрвеня ў Бруселі.

Канферэнцыя адбудзецца ў рамках праграмы Еўрапейскага Саюза "Новыя суседзі". Арганізатарам выступае Еўрапарламент.

Беларускія афіцыйныя прадстаўнікі на міжнародную канферэнцыю не запрашаліся, бо краіна не далучылася да гэтай праграмы супрацоўніцтва.

Плануецца, што з парламенцкай трыбуны выступяць спікер Еўрапарламента Ханс-Герт Пётэрынг, старшыні шэрагу парламентаў краін Еўрасаюза, а таксама кіраўнікі заканадаўчых органаў Азербайджана, Арменіі, Грузіі, Малдовы і Украіны, якія падпадаюць пад праграму “Новыя суседзі”.  

Паводле слоў лідэра Партыі камуністаў Беларускай Сяргея Калякіна, прадстаўнікі АДС атрымаюць магчымасць выступіць падчас агульнай дыскусіі:

 - Мы будзем казаць пра восеньскія парламенцкія выбары, пра новую польска-шведскую ініцыятыву “Усходняе партнёрства”, а таксама пра неабходнасць спрашчэння візавага рэжыму для беларусаў, пра падтрымку незалежных СМІ, і, канешне, пра палітзняволеных.

 Запрашэнні наведаць Брусель атрымалі, акрамя Сяргея Калякіна, Анатоль Лябедзька, Анатоль Ляўковіч, Лявон Баршчэўскі і Аляксандр Мілінкевіч.

Інфармацыйны цэнтр АДС

Версия для печати