Беларускія палітыкі незадаволеныя працай замежных медыя

Беларускія палітыкі накіравалі ліст міністру замежных спраў Польшчы Радэку Сікорскаму. У звароце ўвага акцэнтуецца на пытанні інфармацыйнай ізаляцыі, у якой апынуліся беларускія грамадзяне.

Беларускія палітыкі і грамадзкія дзеячы просяць польскі бок паўплываць на пазітыўнае рашэнне датычна “сапраўднага вяшчання на Беларусь з тэрыторыі Польшчы”.

У лісьце адзначаецца, што існуючыя медыі, у асноўным радыёстанцыі, сканцэнтраваліся на вырашэнні ўнутрыпольскіх пытанняў.

Відавочна, што беларускія станцыі на тэрыторыі Польшчы (маюцца на ўвазе “Радыё Рацыя” і “Еўрапейскае радыё для Беларусі”) у цяперашнім выглядзе не могуць канкураваць з беларускімі афіцыйнымі FM-станцыямі.

Для паспяховага вырашэння праблемы прапанавана стварыць Назіральны савет для перыядычнага маніторынгу электронных СМІ.

“Мы даем шматлікія інтэрв'ю, але беларускія грамадзяне не бачаць нас і не чуюць нас”, – гаворыцца ў лісце. Для эфэктыўнай працы медыяў беларускія дзеячы палічылі патрэбным, каб пасады асобаў, адказных за вяшчанне, – гэта пасады Галоўнага рэдактара дый праграмнага дырэктара, – займалі вядомыя ў Беларусі людзі, што маюць досвед працы на FM-станцыях. А прызначэнне іх мусіць стаць празрыстым.

Прэс-служба МФ 

Версия для печати