Уладзімір Лабковіч: Партыя не мае абавязку адказваць, дзе і ў які момант знаходзіліся тыя ці іншыя яе сябры

Міністэрства юстыцыі Беларусі патрабуе ад апазіцыйных палітычных партый тлумачэнняў з нагоды таго, што некаторыя іх прадстаўнікі у нядзелю прынялі ўдзел у несанкцыянаванай акцыі пратэсту на Кастрычніцкай плошчы. У паведамленні Міністэрства юстыцыі адзачаецце, што 28 верасня ў Мінску адбылося несанкцыянаванае масавае мерапрыемства, у якім, на думку чуноўнікаў, прынялі ўдзел і асобныя прадстаўнікі некаторых палітычных партый, а таксама выкарыстоўвалася сімволіка гэтых аб'яднанняў. У прыватнасці, паводле міністэрства, гэта датычыць Аб’яднанай грамадзянскай партыі, Партыі камуністаў беларускай і партыі БНФ."

Гаворыць старшыня арганізацыйна-праўнай камісіі Партыі БНФ Уладзімір Лабковіч:

- На дадзены момант мы не атрымлівалі ячшэ ніякіх патрабаванняў, хоць, хутчэй за усё з хвіліны на хвіліну яго атрымаем... Пры гэтым я застаюся упэўнены, што гэтыя патрабаванні не маюць аніякіх юрыдычных падставаў, бо партыя не мае абавязку адказваць, дзе і ў які момант знаходзіліся тыя ці іншыя яе сябры.

Нагадаем, што падобныя патрабаванні Міністэрства юстыцыі Беларусі ўжо дасылала кіраўнікам апазіцыйных партыяў у студзені бягучага году. Тады яны тычыліся у прыватнасці ўдзелу сябраў партыяў у масавых акцыях пратэсту беларускіх прадпрымальнікаў на Кастрычніцкай плошчы у Мінску.

Радыё Рацыя

Версия для печати