А.Мілінкевіч пачаў збор подпісаў за дэмакратычных кандыдатаў

Пачаліся паездкі лідэра Руху “За Свабоду” Аляксандра Мілінкевіча па рэгіёнах Беларусі з мэтай прыняць удзел у зборы подпісаў для актывістаў, якія ўключылі яго ў свае ініцыятыўныя групы. 3 жніўня Аляксандр Мілінкевіч збіраў подпісы за кандыдата ад АДС па Кальварыйскай выбарчай акрузе №104 Ігара Рынкевіча. 4 жніўня палітык наведаў выбаршчыкаў Мікалая Ляшчуна з Лагойска і Сяргея Салаша з Барысава.

Як паведаміў каардынатар ініцыятыўнай групы М.Ляшчуна Зміцер Шэвель, людзі вельмі баяцца аддаваць свае галасы за апазіцыйных кандыдатаў.

- Відаць, што гарвыканкам правёў тут канкрэтную працу. У ініцыятыўнай групе працуе ўсяго толькі пяць чалавек з пятнаццаці, таму што ідзе капітальнае запалохванне людзей. Мікалаю Ляшчуну пагражаюць звальненнем з працы, калі ён будзе прымаць удзел у выбарчай кампаніі, - адзначыў Зміцер Шэвель.

 – Бачны таксама і недавер да выбараў і да Палаты прадстаўнікоў. Падчас пікетаў і ў Лагойску і ў Барысаве многія мінакі падыходзілі да палітыка, каб паразмаўляць, аднак свае подпісы ставіць відавочна баяліся.

Сёння вечарам адбудзецца сустрэча А.Мілінкевіча з выбаршчыкамі Магілёва, а заўтра, 5 жніўня, будзе арганізаваны збор подпісаў у Магілёўскай вобласці.

прэс-слжба ру'ху "За Свабоду" 

Версия для печати