Праваабаронцы гатовы аказаць юрыдычную дапамогу пацярпелым ад выбуху ў Мінску

Пра гэта падчас прэс-канферэнцыі ў Мінску заявіў каардынатар аргкамітэту грамадзянскай Камісіі па абароне ахвяраў палітычных рэпрэсій, што створаная пры Палітрадзе АДС, Ігар Рынкевіч.

Паводле словаў Ігара Рынкевіча, зараз грамадская камісія па расслванні гэтай гучнай справы збірае інфармацыю пра пацярпелых, каб потым прапанаваць ім усім юрыдычную дапамогу ў складанні іску аб кампенсаванні фізінай і маральнай шкоды:

- Таму што мы бачым тут магчымую аналогію з “Нямігай”. Тады людзям, якія пацярпелі, улады, якія па Канстытуцыі, па грамадзянска-прававому праву адказваюць за бяспеку людзей, фактычна так і не выплацілі кампенсацый ні за фізічную, ні за маральную шкоду. Мы дапаможам усім, хто звернецца ў камісію з боку пацярпелых скласці грамадзянска-прававы іск на органы, якія павінны былі адказаваць за забеспячэнне іх бяспекі падчас правядзення святочных мерапрыемстваў у Мінску.

Як паведаміў Ігар Рынкевіч, ўся сабраная камісіяй інфармацыя па справе аб выбуху ў Мінску будзе накіроўвацца ў пракуратуру. Праваабаронцы спадзяюцца, што гэта паспрыяе ўсебаковаму аб’ектыўнаму і аператыўнаму раскрвццю злачынства, якое, нагадаю, адбылося ў ноч на 4 ліпеня падчас святочнага канцэрту з нагоду Дня незалежнасці.

Кантакны тэлефон грамадзянскай каміссіі : 8-029-180-7205; электронны адрас svideteli@inbox.ru

Радыё Рацыя

Версия для печати